سطات: تلميذ صيفط مدير الثانوية ديالو للمستعجلات

نهار السبت، فالثانوية التأهيلية ديال كيسر، تلميذ دخل برّا الوقت ديال القراية ديالو. المدير طلب منو يخرج من الساحة، والمشادة ولّات اعتداء.

المدير تهز لمستعجلات مصحة الضمان الاجتماعي فسطات، وباقي تما. والمديرية الإقليمية ديال التعليم صيفطات جوج ديال الممثلين يتبعو الحالة ديالو.

الجوندارميري ديال كيسر تدخلات فالحين: التلميذ تشد وتحط تحت الحراسة النظرية.

الكرامة والسلامة ديال رجال ونساء التعليم خط أحمر.

— المديرين فالكونفدرالية الديمقراطية للشغل، المكتب الإقليمي