الذكاء الاصطناعي طلّع التجارة العالمية، ومنظمة التجارة العالمية ضاعفات تقريبا التوقعات ديالها

التجارة ديال السلع غادي تزيد ب3,9 فالمية ف2026، حسب المنظمة نهار الخميس. فمارس كانت كتتسنى غير 1,9 فالمية.

البوصات والسيرفورات وغيرها من المنتوجات ديال الذكاء الاصطناعي جابو 47 فالمية من النمو فالستة شهور اللولين. والتجارة ديالها زادت ب67 فالمية فعام.

الصادرات ف2026، التوقعات

1. 1 آسيا: +9,9%
2. 2 أمريكا الشمالية: +5,7%
3. 3 إفريقيا: +5,6%
4. 4 أوروبا: -0,1%
5. 5 الشرق الأوسط: -17,2%

آسيا، فين كيتصاوب العتاد ديال الذكاء الاصطناعي، هي اللي هازة تقريبا كاع الزيادة. والصادرات ديال الشرق الأوسط، اللي فيه الحرب، غادي تطيح ب17,2 فالمية.

الخدمات هي اللي تضرّات: المنظمة ولّات كتتسنى غير 3,3 فالمية هاد العام، فبلاصة 4,8 فالمية فمارس. الغلا ديال المحروقات أثّر على السفر.